يا مصري مين يشتريك؟

يا مصري مين يشتريك

وللخليج يهديك

سكران على المحور

بفلوسه عدّى عليك

بيع واشتري يا عرص

ما هي مصر فاترينه

مفتوحة م الناحيتين

لكلاب حوالينا

قاعدين ف حالنا لا بينا

ف حروب ولا علينا

فك الأمير كيسه

واتباعنا بإدينا

وبقينا عرب يا ولاد

بقدرة القادر

أشد نهر النيل

أحزّم الفاجر

يرقص على هرمي

لابس لباس قطونيل

وافتي لقطن النيل

اللي اشتراه كافر

قالوا السلالة هناك

من أم مصرية

بس الدينار غالي

فالفرع يبقى الأصل

وامسح من التعليم

آخر أثر ليا

واللي مجتش بنقاب

راح تنطرد م الفصل

طب بس خطوة كمان

وتبقى مصرستان

ونبقى جيش الخليفة

مولانا بن سلمان

ونلغي أصل الفيش

بمحاكم التفتيش

أتاري عمو الشاويش

في الأصل كان إخوان !!

إقرأها وشاهد إلقائي لها أيضا في :

محمد سلامه

القصيدة السابقة

القصيدة التالية

سياسة الخصوصية

الشروط والأحكام

إتصل بنا